Iu el la unuaj decidoj de la nova Eŭropa Komisiono estis permesi transgenan kultivon, la unuan ekde la 1998a. La Komisaro pri Sano kaj Konsumado, John Dalli, konsente kun la Prezidanto Barroso, donis la permeson pere de proceduro, kiu evitas la debaton ĉe la Komisara Kolegio.

Tiu ĉi transgena terpomo, konata kiel Amflora, estis disvolvata de la agroĥemia entrepreno BASF kaj enhavas genon, kiu rezistigas ĝin kontraŭ certaj antibiotikoj. Tial Plataforma Rural, Amigos de la Tierra, CECU, COAG, Greenpeace kaj Ecologistas en Acción avertas, ke tiu ĉi kultivo implicas neakcepteblan sandanĝeron por la homoj, la bestoj kaj la medio.

Ŝajnas nekredebla, ke la unua decido de la Komisio estas permesi tiom danĝeran transgenan kultivon. Dum ses jaroj Barroso ne povis kaŝi la sciencajn evidentaĵojn, kiuj dubendas la sekurecon de la transgena terpomo. La nova Komisiono prenis tiun gravan decidon sen debato kun ĉiuj komisaroj ; la nova komisaro Dalli, kies komisio estas protekti la konsumantojn, prenis iun el siaj unuaj decidoj senkonsidere al la publika opinio nek al la sekureco, cele plaĉi la plej grandan ĥemian entreprenon en la mondo.

La Tutmonda Organizo pri la Sano kaj la Eŭropa Agentejo pri Kuraciloj avertis la gravecon de la antibiotikoj tuŝitaj de la terpomo Amflora [1] . La ĉeesto de la BASFa terpomo en la kampoj povus pliigi la reziston de certaj bakterioj kontraŭ la antibiotikoj nemalhaveblaj por kuracprocezoj kontraŭ la ftoso. Estas aparte frapanta la fakto, ke estis senprecedaj malkonsentoj en pluraj taksadoj de tiu ĉi tubero [2], eĉ en la portransgena Eŭropa Agentejo pri Nutraĵa Sekureco.

Aldone la plejmulto el la EU-membraj landoj kontraŭstaris la permeson, tial la subskribantaj organizoj postulas al la EU-membraj ŝtatoj la malpermeson kultivi tiun ĉi terpomon en iliaj teritorioj.

La medicino estas ĉiutage pli kaj pli zorgoplena pri la rezisto al la antibiotikoj. Je la 2001a estis adoptita eŭropa leĝo, kiu postulis, ke la genoj rezistigaj al la antibiotikoj, implicantaj minacon por la sano de la homoj kaj de la medio, estu iompostiome forigitaj ĝis la jaro 2004a [3]. La entrepreno BASF petis la permeson por tiu ĉi kultivo kiel porhoma kaj porbesta nutraĵo je la jaro 2005a.

Amflora havas pli grandan kvanton de amelo kaj estis projektata por uzoj en industriaj procezoj, bestomanĝaĵoj kaj sterkaĵoj. Tamen la kutimaj netransgenaj terpomoj haveblaj ĉe la merkato enhavas preskaŭ la saman kvanton de amelo, sed sen la antibiotikrezistantaj genoj, kio montras, ke la transgena terpomo estas tute nebezona.

La civitanaro, lasita loĝi la nursolan landon de la EU, kies registaro konsentas la granskalan kultivadon de la transgena maizo, manifestacios la venontan 17an de aprilo en Madrido kontraŭ la politiko de la Ministrejo pri Medio, Kampo kaj Maro. Per tiu nova permeso ili havas plian kaŭzon ankoraŭ por fari tion, ĉar Hispanio estis iu el la landoj, subtenantaj tiun ĉi terpomon dum la permesproceduro.